Breaking News

SUKURU OBE YABU ICENG KASI ACEL NINDU 10 I UGANDA, HON JANET MUSEVENI OMIYU PONJI IKUM FEEI MAN KITE MI YUBERE

BY GOODLUCK MUSINGUZI

Kal mi ponjiri ku tuku obe yabu sukuru inindu 10 pa dwei mir 1 oro 2022 kite ma giyubu kudu malubere ku ngol pa jawii ngom mi Uganda Yoweri Kaguta Museveni ingey nongo paru kud ibot kal mi yotkum. feesi ma gimedu oketu jurunyodo gikwayu government nimondo ilembe ne.

Hon Janet Museveni, minister mi ponjiri ku tuku isawa mi wecu ku ngom mi Uganda owacu government owok ku paru mi yabu sukuru niwekere ku  peko mapol ma two mi corona okelo.

Hon Janet Museveni owacu gifoyu cwak pa omiy kony ma gimiyu cwak ni tenge mi ponjiri, danu macalo jadipo, kal mi yotkum, ongu pa danu man juponji ma gitiye mony mutelo yoo.

Efoyu juwii juponji ku wege sukuru pi yubu sukuru maber ma obe ciketu awia osomo maber. Efoyu government mapiny man juwang danu iotmoko cik pi nenu bot sukuru mi kabedo migi.

Kal mi ponjiri omiyu lagam pa feesi nia omako kud gimed feesi ni jurunyodo niwekere ku cul ma gibedo kaculu mapodi gifungu ongo ngom.

Etiye wang mir acel ongo ma wamondo kudu mi nenu lembe pa fessi. i oro 2017 wawok kud ongu ma professor Kayanja Obedo katelo wigi re mi nenu wel cul mi sukuru matungtung.

Hon Janet Museveni owacu lembe pa feesi owok kendu man two mi corona okelo peko ni jurunyodo. wanyang nia sukuru obedo afunga man gin de ginenu peko.

Hon Janet Museveni owacu giyey ongo ku feesi ma gimedu man ewakyu jurunyodo nia pee gicul sente mukado ma gibedo kaculu mapodi gifungu ongo ngom. i dwei mir 3 oro 2020.jurunyodo ma giculu feesi pa awia mi S2 omako kud gicul kendu. juma oculu moko omako gicul ma odong iwigi.

Ewacu omako giket jurunyodo gicul feesi mot mot kara gicwak awia migi. tela pa sukuru omako ginen i yore mitic migi an giyub budget migi pi gyedo ma omako jurunyodo gimiy cwak pire.

Sukuru moko cii omako kud oket cul pa pima mi corona iwi jurunyodo enke, omako gilub cik mi juku dak pa corona kite ma kal mi yotkum omoko kudu. Sukuru omako giwinjere ku udi yat ma kago kugi mi pimu awia ma otiye ku lanyut pa corona.

Watiye ku gen maniya sukuru obe tiyu ku udi yat mna kago kugi man ka awia obe nongere maber ongo, omako sukuru otergi i udi yat kara gupimgi man gingey yotkum migi.

Mumedu maeno, gimiyu ponji ni jurutic mi udi yat pa lwak nia sukuru obe galo ongo kayabu iyenga eni.

Sukuru bitiyu ku kite ma gimiyu kudu lagam ni two mi corona ma oketu giwok ku cik mapol ni sukuru macalo gwoko lengu micing, kendu laum dog ku um man bedo bor ikindju.

About westniletoday

Check Also

FRESH FOOD PRICES DROP IN MOROTO COURTESY OF UPDF AND UGANDA PRISONS

BY EDWARDS AKAKI MOROTO: WEDNESDAY, AUGUST 10, 2022 There is a sigh of relief in …

Leave a Reply

Your email address will not be published.

COVID-19 UPDATE FOR E.A REGION