Breaking News

MP KABUGHO OMIYU CWAK NI AWIA KU JAM VUTU.

MP KABUGHO OMIYU CWAK NI AWIA KU JAM VUTU.

Kasese District Woman MP-Florence Kabugho

Hon Florence Kabugho (I dyere) kud awia ma emiyu igi cwak

BY ALEX BALUKU

KASESE: TUESDAY, JANUARY 04, 2022

Jawing juma megu mi Kasese District iotmoko cik, Florence Kabugho odaru miyu cwak ni awia ma otimu maber niloyu I penji mi daru klasi 7 ku mufalisi, suka mi um man balangiti. Ewacu awia kwan 18 ne ceke oai I sukuru ma tuc iigi tek I Busongora North County.

Kabugho owacu emiyu igi mic ne kara omed amora I juma odong ingeygi nitimu matek kara gibin ginong mic pare.

Ni danu ma gimitu ponji mi bodo micing, jamok cik ne owacu nia enongo ot I Kabatunda trading centre ma gibe citiyu kudu calo skills training centre pi miyu beru ni juma oweko somo man megu matindu.

Kabugho okwayu jurunyodo niteru awia migi I somo pien somo obe cako inindu 10 pa dwei mir 1 oro  2022.

Charles Maate Masanduku, jawii kom LC3 pi tejagu mi Kyabarungira onyutu mic ne callo wangu ich ma ewacu kudu nia enu otiye wang mir acel ma jamok cik otimu kit lembe makumenu I kabedo migi.

Enyutu ni jamok cik ne nia Kirabaho town council ma gicako oweko Kyabarungira labongo sukuru mi secondary pien Kibanzanga secondary school otiye ite tela manyen.

Masanduku okwayu jamok cik ni cwalo pi gyedu pa sukuru pa  government mi secondary i Kyabarungira pien cik mitu nia kubang tejagu obed ku sukuru mi secondary.

Manke, Zulaika Kikusa, jawii juponji mi Bughendero Primary School, onyutu nia ku wel awia mapol ma gitiye kudu, sukuru ma otiye I kabedo ma got got gibe nenu peko pa gwoko lengu.

Ewacu pi lapor,  Bughendero primary school royu nying awia makado 1,000 enke, gitiye ku udi kony 4 kende man awia omako oryey line ka gicidu kanongo kony mabor.

Kikusa okwayu jamok cik ne nitiyu kud ongu manenu lembe pa ponjiri i district mi Kasese man tela pa district mi yubu lengu pa awia ku pa juponji.

 

About Musinguzi Goodluck

Check Also

STOP CHARGING FOR MANDATORY COVID19 TESTS, MINISTER MORIKU WARNS SCHOOLS

By Goodluck Musinguzi A few schools have defied orders of Ministries of Health and Education …

Leave a Reply

Your email address will not be published. Required fields are marked *