Breaking News

MOROTO KASIMERI PRIMARY SCHOOL OJOLO AWIA KWAN ELIFU 1,100 ININDU MIR ACEL

Kasimeri Primary School pupils attending class on 10 January 2022

BY TIMOTHY EODU

MOROTO: TUESDAY, JANUARY 11, 2022

Ku bagu madongo ingeygi, ginenu awia kwan ma gikendu laum dog ku um man gitiye i uniform ma green ku khaki gipong ikasimeri primary school manongere i municipality mi morotoiceng kasi acel kugwenu con.

Nitundu dyeceng, sukuru ne opong kud awia ma ocidu karoyu nyingi inindu mir acel ma giyabu sukuru ku kony pa jurunyodo migi.

Samuel Ewangu, jawii juponji mi sukuru ne owacu giroyu nying awia kwan elifu 1,100 inindu mir acel man wel ne obe cimedere pien podi gibe medere ku royu nying.

Ikum awia elifu 1,118 ma giroyu nyingi, giroyu nying awia kwan (216) i p.1 ma olubu obedo p.6 (159) man p.2 (156) man p.7 oroyu nying awia (137) ma obedo nok niloyu.

Giroyu ongo adot pa yacu nyo ngati ma odoto nyathin ikind awia kwan.

Ewangu enyutu nia cidu pa awia ne onyutu nia gimaru somo i karamoja sub-region.

Enke, ewacu marac ne otiye nia sukuru ne obe cijolo ongo awia mapol ka wel ne omedere pi cik ma mitu nia gibed bor ikindju.

Manongo podi gifungu ongo ngom, Kasimeri primary obedo kud awia kwan elifu 1,600.

Gibe yubu jam lwoko cing ma gibe ciketu i kasimeri primary school

Ewangu onyutu nia sukuru pare copo pangu tents nyo owok ku yore maniya awia okwan mbit mbit pien jurunyodo mapol podi obe cidu karoyu nying awia migi.

Ewangu onyutu nia juponji gitiye ayuba mi cako ponji ingey bedo ku ponji ikum yabu sukuru man kite mitiyu ku megu matindu.

Paul Oputa, manenu lembe pa ponjiri i district mi Moroto owacu sukuru mi district ne ceke gitiye ayuba mi yabu man jolo awia kwan ma otiye bende ku megu matindu ku juma oyac kite ma cik pa kal mi yotkum mitu kudu.

About westniletoday

Check Also

FRESH FOOD PRICES DROP IN MOROTO COURTESY OF UPDF AND UGANDA PRISONS

BY EDWARDS AKAKI MOROTO: WEDNESDAY, AUGUST 10, 2022 There is a sigh of relief in …

Leave a Reply

Your email address will not be published.

COVID-19 UPDATE FOR E.A REGION