Breaking News

JUPONJI MI NURSERY I KASESE GINONGO PONJI KENDU

JUPONJI MI NURSERY I KASESE GINONGO PONJI KENDU

Awia I sukuru mi nursery school I  Kasese mapodi gifungu ongo ngom

BY ALEX BALUKU

KASESE: WEDNESDAY, JANUARY 05, 2022

Juponji mi nursery maromo 100 muai kud i Mahango, Karusandara, Maliba, Bugoye man Central Division mi Kasese Municipality gitiye i Kamaiba Youth Center kama gibe nongo iiye ponji mi cewu wic pi sukuru ma obe yabu.

Tangu Utoto Foundation, ma otiye ongu majengere ongo ikum gavumente manongere I Kasese odaru yubu ponji ni juponji mi Nursery kara gidok itic mi ponji nongo gitiye ku diru mitiyu kud awia.

Jadit manenu wii wecu ibot ongu ne Ibrahim Kirindiru otiye ku gen maniya calo ma government oyabu sukuru, omako juponji giyubere mi cako ponji iyore maber.

Kirindiru owecu isawa mi wecu kude nia gicako miyu ponji ni juponji mi nursery nicako I oro 2018 man juponji mapol odaru nongo beru ikum ponji ne.

Emedu nia gibe nenu bot awia ma oro migi okado ongo 8 man gitiye ku gen maniya ku wel pa juponji ma onongo ponji ne ma omedere, ponji migi obe cikonyu lwak iyore mi miyu ponji mucwiny.

Nilubere ku wecu pa Kirindiru, nituc ma nindu 5 ne obe tum, juponji obe cidok ku diru mitiyu kud awia ma gibedo I pacu nicako I dwei mir 3 oro 2020.

Ekwayu juma ocidu I ponji ne ni nenu nia gitiyu kud awia ceke marom.

Jadit manenu wii ponjiri i Kasese Municipal, Emmy Mwesige Kairi ocimu wang jupojnji ikum fwodo awia.

Emedu nia ebe cibedo ni gum madit mi bedo kud awia kwan mapol pien pol migi oweko somo.

Carolyn Nabwire, japonji mi Nursery teacher i Izinga SDA Nursery and primary school manongere itejagu mi Maliba owacu gitiye ayuba mi jolo awia kwan I somo.

Ekwayu jurunyodo nitimu tic migi macalo miyu jam ponjiri man culu feesi.

John Kavuma, japonji mi Nursery makende i Blessed Angel Nursery and Primary school ofoyu Tangu Utoto Foundation pi poyu wigi ikum tic migi makoya mi ponju awia.

About westniletoday

Check Also

ACHOLI BODABODA FORUM URGES MEMBERS TO EDUCATE THEIR CHILDREN

BY WALTER KUMIRA GULU: WEDNESDAY, JANUARY 12, 2022 Newly elected leaders of Acholi West Districts …

Leave a Reply

Your email address will not be published. Required fields are marked *