Breaking News

Bishopi South Rwenzori Diocese ni Baluku kini, Onita Eri Edri Mukeri Ejini

Bishopi Nason Baluku ii

Sii piri Alex Baluku

Kasese: Sabato 02/01/2022 

Bishopi Rwenzori Diocese ni Rt. Rev. Nason Baluku ati yozu kini Onita eri afa edri mukeri ma ti ojipi niri i

Bishopi Baluku nze eyo diri aje sawa eri oduko fezu Eli odiri madria risi kini anzi 1,500 ma drilea diyi ebiki oa Sukula risi akua fedi ani edri eca ewaru eyi dri.

Bishopi Baluku Kini bani otuzuru Sukulu eyi mati nzizuria di Emba Alu ma odu 10 Eli 2022 siria, le Tipika ma neki kini anzi eyi vile diyi ma daa dri Sukulua ra.

Fe vini bilendu liza Tipika eyini anzi eyi vile diyi ma ezaki sawa afe Sukulu ni lee diyi jezu anzi eyi dri ku tutu ni Ezoanzi eyi dri, ani eyi ma ewu dria dale ri nga ovu alatara ru beni.

Eri ji yo risi, Sukulu ma Yipika vini Dricebaa ma neki kini afa dria ba ni lee Azo Covid19 niri ma ereta atrizu diyi ma ovu ki cidria Okalamvu Alataa niri ba boo diyi le.

Bishopi Baluku nga vini Kiristayo azini Tipika eyi ma bilendu liizu kini le ma ovu ki ecetaa muke ri ru eyo eyini yee ndundu diyi ma alea anzi eyi ma drilea.

ENGLISH

About westniletoday

Leave a Reply

Your email address will not be published.

COVID-19 UPDATE FOR E.A REGION