Breaking News

BA AI TIPIKA MASINDI AA DIYI ANZI EYI MATI PEZU SUKULUA SAWA DRILEA

Green Valley Secondary School Masindi aa ri

INNOCENT ATUGANYIRA

MASINDI: SABATO 02/01/ 2022

Richard Kasaija ovupi Dricere ru Sukulu Green Valley Senior niri ma alea ri kini anzi kakau ebi ki oa eyo nosiku azi tutu diyi ma alea ecetasi Amvu aa za, Afa oziza Nzila dria siri sawa bani Sukulu eyi ma ti opizu cii eli agaapi di ma alea ria, fedi ani ecoki ava esu dri dazu Sukulua ku raa.

Oruu di ani Tipika vini Ba Anzi ma tamba baa diyi Masindia diyi asi omiza fezu anzi eyi dri vini okpo bazu anzi nde eyi ma ti pezu Sukulua sawa dria.

Kasaija nga yoo ti mgbo ru kini “Ezoanzi kakau esuki anzi sawa bani Sukulu eyi mati opizu ra risi, te Ezoanzi nde ma drileba cii muzu Sukulua, vini dika Okalamvu onitaa nii vini Avita niri aii Tipika eyi vini Sukulu ma dri cebaa eyii Ezoanzi ndee diyi aizu Sukulua vule.”

Nga vini asi teeza fee baa vini tipika eyini kini Sukulu ii vileri otuu ii ra Anzi woro eyi aizu di Emba Alu ma odu 10 si eli 2022 sira.

Kasaija ni yoo risi, Eyi baki afa ndundu ekile Temperature Guns, Afa dri ojizu diyi vini afa azi  diyi pie azo Corona niri ma ereta atrizu ra.

Nga vini obaa kini, Sukulu Green Valley niri esu angu ombgo pie ta sipi ra diniri anzi eyi ni onita onizu esekele coza sir a, vini dika Emba ba Sukulu ndee ma alea diyi ba oso eyi aro Corona atrizu risi dria ra.

Oba vini  dika kini lee Tipika vini Ba anzi eyi ma tamba baa diyi ma feki Bongo bani onvu vini andrati abuzu ba ni omve Face mask ruri Anzi eyi niri iri iri vini aro bani dri ojizu omvele Sanitizer ru ri  be eyi ma aza kozu Sukulua endi.

Kasaija yo kini, ekile Covid19 ni agu ezazu wakaka ru angu woro ma alea borile, Driceza Sukulu Green Valley niri oni eyo angiri sawa disi bo ecozu Sende otuzu Tipika eyi ma dria kuu.

MASINDI PARENTS TOLD TO SEND CHILDREN BACK TO SCHOOL IN TIME

About westniletoday

Leave a Reply

Your email address will not be published.

COVID-19 UPDATE FOR E.A REGION